Яаж амьдрах вэ? шоргоолз шиг үү? царцаа шиг үү?

Эртээ урьдын цагт нэгэн царцаа амьдардаг байжээ. Амьдардаг газар нь зөндөө олон шоргоолзууд бас байдаг байж.

Зуны нар шарсан халуун өдөр шоргоолз нуруун дээрээ баахан юм овоолчихоод явж байхад нь царцаа таарч л дээ. Царцаа түүнийг хараад "Ёоо, чи одоо ийм халуун өдөр яаж ийм их юм зөөгөөд явж чаддаг байнаа. Наадахаа түр болиод надтай хамт дуул л даа" гэж. Шоргоолз " Үгүй дээ, би өвөл идэх юмаа бэлдэх хэрэгтэй байна" гэсэнд царцаа "Одоо энд зөндөө идэх юм байгаа биз дээ, алив надтай хамт дуулья аа" гэхэд шоргоолз маш завгүй байсан тул цааш явчихаж. Царцаа маш уянгалаг сайхан хоолойтой ба тэндээ мөн л дуулсаар үлджээ.
Ингээд зуны турш шоргоолз ажиллаад л, ажиллаад л.. харин царцаа дуулсаар дуулсаар зуныг өнгөрөөжээ.

Хүйтний эрч чангарч өвөл болоход царцаа гэр оронгүй, идэх ч хоолгүй маш туйлдсан байв. Шоргоолзны гэрийн үүдэнд ирээд "Би маш их өлсөөд бас даараад байна. Надад жаахан идэх юм өгөөч" гэхэд шоргоолз "Би хэдий зунжингаа ажилласан ч манай гэр бүлийхэн дэндүү олон болохоор цуглуулсан хоол маань хүрэхгүй ч байж мэднэ. Чамд өгөх хоол алга даа" гэжээ. Ингээд шоргоолз дулаахан гэртээ гэдэс цатгалан сууж байхад царцаа өлсөж даарсандаа хөлдөөд үхчихэж ээ.

ВИ ЭС

- Бидний эцэг эх ажил хийвэл ам тосдоно гэдэг үгэнд дуртай ба яг л шоргоолз шиг.. Сайхан залуу насандаа ажилласаар ажилласаар хөгшрөөд гэдэс хоосон явахгүй ч , ажилласан их ачааллаасаа бие тамир нь мууддаг. Залуучууд ч энэ шоргоолз шиг ажиллахаас цааргалан, арай хялбар аргаар амьдрах замыг хайдаг болж.

- Уг нь царцаа шиг зөвхөн өөрийн чаддаг зүйлээ хийж, ийш тийшээ цалгардахгүй бол амжилтанд хүрэх боломжтой. Сүүлийн үед залуус ийм замыг эрхэмлээд байх шиг..

- Оюутан сурагч насандаа гэр орны ажил хийсэнгүй гээд үглүүлэх явдал цөөнгүй л байдаг. Гэр орны ажил хийгээд сайхан амьдрах уу? Ямар ч ажлыг идэвхи сонирхолгүй, үүрэг юм шиг хийгээд эцэж цуцахаа ч мэдэхгүй зөвхөн л ажиллах нь амжилтын үндэс мөн үү?

- Өөрийхөө хар амийг л бодоод өөртөө хэрэгтэй зүйлээ л хийн хувиа хичээх нь амьдрал мөн үү? Ингэж амьдраад сайхан амьдарч чадах уу??

??? Яаж амьдрах вэ???
1. Ажилсаг хичээнгүй борви бохисгүй ажиллах шоргоолз шиг үү?
2. Өөрийн чаддаг зүйлээ л барин бусдын яах нь ер хамаагүй, амиа бодох царцаа шиг үү?